UNkulunkulu umahluleli womhlaba
1 Hlabelani iNkosi ihubo elitsha,
ngoba yenzile izinto ezimangalisayo.
Isandla sayo sokunene lengalo yayo engcwele
kuyizuzele ukunqoba.
2 INkosi ikuvezile ukunqoba kwayo,
ikubekile obala ukulunga kwayo phambi kwezizwe.
3 Ikhumbule uthando lwayo olungapheliyo lobuqotho bayo kuyo indlu kaIsrayeli.
Abantu bomhlaba wonke bakubonile ukunqoba kukaNkulunkulu.

1
4 Hlokomani ngokuthokoza eNkosini, mhlaba wonke,
lihlabele ngokuthokoza, lidumise.
5 Dumisani iNkosi ngechacho,
ngechacho langehubo elimnandi.
6 Ngophondo langokukhala komhlanga
hlokomani ngokuthokoza phambi kweNkosi uNkulunkulu.

7 Kaluholobe ulwandle lakho konke okukulo,
umhlaba labo bonke abakhileyo kuwo.
8 Imifula kayiqakeze izandla zayo,
lezintaba zihlabele ngokuthokoza
9 phambi kweNkosi, ngoba iyeza ukwahlulela umhlaba;
izakuwahlulela umhlaba ngokulunga,
lezizwe ngobuqotho.