Umkhuleko wokucela ukunqoba
1 INkosi ikuphendule osukwini lokuhlupheka;
ibizo likaNkulunkulu kaJakobe likuvikele.
2 Ikuthumele usizo oluvela endaweni engcwele,
ikusekele ngamandla aseZiyone.
3 Kayikhumbule yonke iminikelo yakho,
ithokoziswe ngumnikelo wakho wokutshiswa.
4 Ikunike isifiso senhliziyo yakho,
iphumelelise lonke icebo lakho.
5 Simemeze ngokuthokoza ekunqobeni kwakho,
ebizweni likaNkulunkulu wethu siphakamise isibonakaliso sokunqoba!
INkosi iphelelise konke ukucela kwakho.

6 Sengisazi ukuthi
iNkosi izakumsiza ogcotshiweyo wayo,
imphendule isezulwini layo elingcwele
ngezenzo ezilamandla zokunqoba ngesandla sakhe sokunene.
7 Abanye bathemba inqola zokulwa,
abanye bathemba amabhiza,
kodwa thina sithemba ibizo leNkosi uNkulunkulu wethu.
8 Bazakhothama bawe,
kodwa thina sizasukuma sime.

9 Nkosi, nika ukunqoba enkosini,
usiphendule lapho sikhuleka kuwe.