Ukufika kweNkosi
1
1
Therefore encourage one another and build each other up.-14
1 Ngezikhathi langemizuzu, bazalwane, kalisweli ukulotshelwa, 2 ngoba lina uqobo liyazi kuhle ukuthi usuku lweNkosi luzakufika njengesela ebusuku. 3 Nxa besithi: Ukuthula lokuhlala kuhle; kungโ€™khona ukubhujiswa kuzakubajuma njengomhelo ufikela owesifazana okhulelweyo, kabasoze baphunyuke. 4 Kodwa lina, bazalwane, kalikho emnyameni, ukuze lolosuku lulifice njengesela. 5 Lina lonke lingabantwana bokukhanya, abantwana bemini. Kasisibo abobusuku loba abomnyama. 6 Ngakhoke asingalali njengabanye, kodwa asiphaphame, siqonde. 7 Abalalayo balala ebusuku, labadakwayo badakwa ebusuku; 8 kodwa thina esingabemini asiqonde, sifake isivikelo sesifuba sokukholwa lothando, ithemba lokusiliswa libe yingowane yethu. 9 Ngoba uNkulunkulu kasimiselanga ulaka, kodwa usimisele ukuba sizuze ukusiliswa ngeNkosi yethu uJesu Kristu, 10 owasifelayo ukuba, loba siphapheme loba silele, sihlale kanye laye. 11 Ngakhoke vuselanani, lakhane, njengoba futhi likwenza.
UPawuli ubalaya ngokuphathana kwabo
Rejoice always, pray continually, give thanks in all circumstances; for this is Godโ€™s will for you in Christ Jesus.
Rejoice always, pray continually, give thanks in all circumstances; for this is Godโ€™s will for you in Christ Jesus.
1
12 Kodwa siyalincenga, bazalwane, ukuba libahloniphe labo abasebenza phakathi kwenu, abaliphetheyo eNkosini, labalelulekayo, 13 libazise kakhulu ngothando ngenxa yomsebenzi wabo. Hlalani ngokuthula. 14 Siyalilaya, bazalwane, ukuba leluleke abavilaphayo, liqinise abadanileyo, lisize ababuthakathaka, libabekezelele bonke. 15 Qaphelani ukuba kungabi khona ophindisela omunye okubi ngokubi; kodwa zamani ukwenza okuhle omunye komunye lakibo bonke. 16 Thokozani njalonjalo; 17 khulekani lingadinwa; 18 bongani uNkulunkulu ngakho konke; ngoba lokhu kuyintando kaNkulunkulu kuKristu Jesu ngani. 19 Lingamcimi uMoya; 20 lingadeleli ukutshumayela; 21 kodwa hlolisisani konke, libambelele kokulungileyo; 22 zilani konke okubi.
Isicino
23 UNkulunkulu wokuthula uqobo, kalenze libe ngcwele ngokupheleleyo, kulondolozwe umoya wenu wonke lomphefumulo lomzimba, ukuze lingasoleki ekufikeni kweNkosi yethu uJesu Kristu. 24 Uthembekile yena olibizayo; futhi uzakukwenza lokhu.
25 Bazalwane, sikhulekeleni. 26 Bingelelani abazalwane bonke ngokwangana okungcwele. 27 Ngiyalifungisa iNkosi ukuba lincwadi ifundwe kubo bonke abazalwane. 28 Umusa weNkosi yethu uJesu Kristu kawube lani.